Follow us on:

Home

Inkscape tutorial: Bektorizazioa

SVG marrazkietarako bit-mapa irudi bat <bide> elementu batean bektorizatzeko tresna Inkscape-ren ezaugarrietako bat da. Ohar labur hauek bere erabilpenean trebatzen lagundu beharko lizukete.

Gaur egun Inkscape-k Peter Selinger-en Potrace bit-mapak bektorizatzeko motorea (potrace.sourceforge.net) erabiltzen du. Etorkizunean bektorizatzeko programa ezberdinen artean aukeratzeko gaitasuna izatea espero dugu; oraingoz, ordea, trensa fin hau gure beharretarako nahiko eta soberakoa da.

Gogoan izan Bektorizatzailearen helburua ez dela jatorrizko irudiaren kopia zehatza lortzea; ezta bukatutako produktua lortzea ere. Ez dago hori lor dezakeen bektorizatzaile automatikorik. Egiten duena zera da, zure marrazkietan baliabide gisa erabil ditzakezun kurba multzoa sortzen du.

Potrace-k zuri-beltzeko bit-mapa interpretatzen du eta kurba multzo bat sortzen du. Irudi gordin batetik Potrace-k erabil dezakeen zerbaitera heltzeko, gaur egun hiru sarrera iragazki ezberdin ditugu.

Orokorrean, gero eta pixel ilun gehiago egon tarteko bit-mapan, Potrace-k bektorizazio gehiago burutuko du. Bektorizatze kopurua gora doan heinean, PUZ gehiago beharko da, eta <bide> elementua askoz handiagoa izango da. Gomendagarria da erabiltzaileak tarteko irudi argiagoekin saiatzea lehenbizi, gradualki ilunagoetara pasatuz helburuko bidearen proportzio eta konplexutasuna lortu arte.

Bektorizatzailea erabiltzeko, irudi bat kargatu edo inportatu, hautatu, eta Bektorizatu bit-mapa elementua aukeratu edo Shift+Alt+B sakatu.

An example image

Erabiltzaileak erabilgarri dauden hiru iragazki aukerak ikusiko ditu:

Honek soilik pixel baten gorri, berde eta urdinen (edo grisen itzalen) batura erabiltzen du erabakitzeko beltza edo zuria izan behar duen. Atalasea 0,0tik (Beltza) 1.0ra (zuria) ezar daiteke. Gero eta atalase handiagoa, gero eta pixel gutxiago antzemango dira “txuri” bezala, eta bitarteko irudia ilunagoa izango da.

An example image

Honek ertz detekziorako J. Canny-k asmatutako algoritmoa erabiltzen du antzeko kontrastea duten isoklinak azkar topatzeko. Honek jatorrizko irudiarekin antzekotasun gutxiago izango duen tarteko bit-mapa sortzen du Distira mozketarekin konparatuta, baina ziur aski beste modura galduko litzatekeen kurben informazioa eskainiko du.

An example image

Iragazki honek beste biekin alderatuta tarteko irudi oso diferentea sortuko du, baina oso erabilgarria egia esanda. Distira edo kontrasteko isoklinak erakutsi ordez, kolorea aldatzen duten ertzak bilatuko ditu, nahiz eta distira eta kontraste berdina eduki. Zehaztu daitekeen balioa, Korore kopurua, tarteko bit-mapan egongo diren irteera kopurua adierazten du, tarteko irudia koloretan izatekotan. Ondoren zuri/beltza edo kolorearen indizea bakoiti edo bikoitia den erabakiko du.

An example image

Erabiltzaileak hiru iragazkiak frogatu beharko lituzke, eta irudi mota ezberdinek sortzen dituzten emaitza ezberdinak aztertu. Beti egongo da irudi bat non iragazki bat besteak baino aproposagoa den.

Bektorizatu ondoren, gomendagarria da sortutako bidean Bidea > Soildu (Ktrl+L) komandoa erabiltzea nodo kopurua txikitzeko. Honek Potrace-ren irteera editatzea asko errazten du. Adibidez, hemen duzu Agurea Gitarra Jotzen-en bektorizazio tipiko bat:

An example image

Ohar zaitez bidean dauden nodo kopuru izugarriaz. Ktrl+L sakatu eta gero, honelako emaitza lor dezakegu:

An example image

Irudikapena apur bat zakarragoa eta originarela gutxiago hurbiltzen da, baina marrazkia askoz sinpleagoa eta editatzeko errazagoa da. Gogoan izan zuk nahi duzuna ez dela irudiaren bektorizazio zehatza, baizik eta zure marrazkian erabil ditzakezu kurba multzoa.